S'ca-chi i ta bié camouflé
Pa les flutières et les neuziers
Ai v'sant l'tour dè l'étang Franquet
I l'arrive au moulin Rosier
S'apèrcèvant mélancolique
Què l'moulin tourne à l'électrique
I poursuit s'route avec rancoeur
Plein d amertume elle râge au coeur

A l'capelle Saint Pierre i quitte Sirault
Qui l'a fertilisé d'ses z'iaux
Traverse èl grand villâche d'Hautrage
Comme sî sârot ai plein rodâche
Puie s'rue vai l'grand vivier d'Otiète
Qui l'attrape cha tout à l'coyiètte
I dèmar'tè pas d'su Pommeroeul
Qui lun réserve in bon accueil

I faie l'limite n'milètte pu târe
Aîtré Hainzi et Bèrnissâre
Arrive In France comme in seigneur
Sans passé l'douane comme in voleur
Vai l'république i l'a l'toupet
D'èrcanger s'carte d'identité
On l'appèra vai s'région-là
El' grand courant dit "des Courbais"

Ai n'arrivant à Vié-Condé
I l'a l'surprise dè constater
Qu'aqueurtè là comme in déluge
Les ziaux d'Bèlè!e è d'Estambruges
Comme des bons belges avant l'attaque
I s'uniront pou l'dernier aque
Mèlant paternèl'mai lun ziaux
Avant d'les clitcher vai l'Escaut

Oh clair è riant Rié Amand
Biau ruban bleu SI attrayiant
Va z-ètes démoré l'seule témoin
Oè no passé d'jà si lointain
Vo z'avez vu chi les Romains
V' ni s'implanter su no terrain
El'grand Louis dit l'Débonnaire
Est v'nu vo vie comme propiétaire

Vo z'avez vu l'prumier prévôt
Chi s'amaïner défricher l'bos
Vo z'avez vu les paûfes manants
Livrer bataille païdant tant d'ans
Pou s'èrvinger conte èl sèrvâche
L'z'impôts les di mes è l'èsclavâche
Nos grands z'ancêtes ont comifau
Dèlibèré tout l'long d'vos z'iaux

Pu le les français v' nant d'Saint-Ghislain
Sont dauchi v' nus faie in cau d'main
I l'on mis feu à tout l'vilâche
Tout fracassé mis au pyiâche
I l'a fallu qu'va z'assistiche
A tous ces drames à ces jeux d'riches
I l'est certain qu'vos bonnè-z'iaux
Aront servi conte ces fléaux

Tamains grands z'hommes ont chi passé
Les Clairfays les Dumouriez
Comme des pus simpes particuyiers
I va z'ont traversé à gué
Souvaie vo vèyie l'Prince dè Ligne
Dallé à Baudoue vie s'concubine
Si vo povie tout raconter
On s'rot sur' mai bié édifié

Vo d'avez vu d'tous les nâtions
Français S'pagnols Prussiens Frisons
Les grenadiers d'Napo!eyion
Corffés d'kolbacks aigrette pompons
Les volontaires d'dix-huit cent trente
Les ciuns d'septante quatorze quarante
N'masse dè héros n'sont pu r'vènus
Le rieu Amand n'les a pu vus

Cher bon vié brâfe èrié Amand
Combé d'souv'nirs ai vo vèyiant
N'aivoqu'tons nié n'no temps passé
Au long d'vos bôres si enchantés
J'èm rapèlle co r'vènant d'l'école
Qu'on n'èstroussot ses bas d'maronne
Pour nous pèquer des p 'tits pichons
Qui fertèyinn'tè d'vai vo fond

J'èm souvié co comme si s'to hière
Què no passine daulà pa d'dière
Là tout au long dou mur Coulon
Aprè avouât passé d'zou l'pont
A pié dè cau vai ses chabots
Sauvai tout cru on n'aîrallot
On avot peu d'raîtrai à s·maison
Pou n'bonne raclée on l'avot bon

S'n'est jamais sans réel émoi
Qu'on égrène tous ces souv'nirs-là
Possipe qu'elle jônne gènèrâtion
Enne raisonne pu dèlle mème façon
D'aucuns praî't'tè l'villâche natal
Pou tout chau qui l'a d'pu banal
Savée qu'l'origine dèlle cité
Est l'terre à panne avè l'érié

Païdant l'période dou sièque passé
I l'a ouvré comme in dànné
Pou faie tourner sie-siette moulins
At commaîchant pa Dègardtn
Comme el grand vaîe s'n'ancien confrère
I l'est chômeur involontaire
Mais pu tiètu qu'in vrat mulet
I n'a jamais démissionné

C'est donc à-pau-pré l'aventure
Dé no cours d'iau ai miniature
No biau ruisseau est taudis là
Qui queure sans bruit sans grand fracas
Li qut l'a vu tant d'générations
N'a nié co tèrminé s'mission
Pu târe quand no s'rans disparus
I sourira aux nouviaux v' nus